Grill chicken

(இளகிய மனம் கொண்டவர்களும் இதயம் பலகீனமானவர்களும் மேற்கொண்டு படிக்க வேண்டாம்)

முதலில் 10 கோழிகளை பிடித்து கழுத்தை திருகி கொல்லவும். இப்போது இதை மிதமான வென்னீரீல் நனைத்து அதன் இறக்கைகளை பிய்த்து எறியவும். இப்போது உறித்த கோழி தயார். இப்போது நீளமான கம்பியில் ஒவ்வொரு கோழிப்பிணத்தையும் சொருகவும்.அவற்றின் மீது வெண்ணையையும் மசாலாவையும் குழைத்து பூசவும்.

இப்போது கீழே நெருப்பை எறியவிட்டு அதன் தணல் மேலே படும் அளவில் வைத்து கோழிப்பிணங்களுடன் கூடிய கம்பியை மெதுவாக சுழலும்படி அமைக்கவும். சில மணிநேரங்களுக்கு பிறகு பதமான கிரில் சிக்கன் ரெடி. இப்போது அதை ஒரு தட்டில் எடுத்து வைத்து பிய்த்து வாயில் திணித்து அனைத்தையும் கபளீகரம் செய்யவும்
(செயல்முறை உபயம்; ஆதி காட்டுவாசிகள்)