நம் நாட்டின் முன்னேற்றத்திற்கு உடனடித் தேவை

எனது வாக்கு

தீவிரவாத ஒழிப்பு
லஞ்ச ஒழிப்பு

இவற்றிற்குத்தான்

தமிழ் நண்பர்களில் வந்த கருத்து

ஹாஜாமுகைதீன்:

பல்வேறு மதம் இனம் மொழி மாநிலங்கள் என்று பலதரப்பட்ட மக்கள் வாழும் இந்தியாவில் அன்று நம்மை ஒன்றிணைத்தது ஆன்மிக உணர்வு தான்.

தப்பு செஞ்சா சாமி கண்ண குத்திடும் என்று தெரிவிக்கப்பட்டு வளர்நத குழந்தைகள் பெரியவனான பின்பு எவ்வளவுகஷ்டம் வந்த போதிலும் கடவுள் கண்ணைத்திறக்கும் வரை காத்திருப்போம் என்று இருந்தார்களே தவிர லஞச்ம் வாங்கி பணக்காரனாக மாறவோ - தீவிரவாதத்தை கையிலெடுக்கவோ துணியவில்லை. கல்வியறிவின்றி கைநாட்டாக இருந்த போதிலும் வேலையின்றி கிடைத்த வேலையை செய்த போதிலும் நம் மூதாதையர் சந்தோஷமாகவே வாழ்நதிருக்கிறார்கள.

இருட்டில் தப்பு செய்தாலும் கடவுளுக்கு அது தெரியும் என்று நன்மை செய்து வாழ்ந்த வாழ்க்கை இன்று கடவுள் இருப்பது உண்மையில்லை என்று எப்போது பகுத்தறிவுப் பகலவன்கள் பிரச்சாரத்தைத் தொடங்கினார்களோ அன்று இந்தியர்களின் ஆன்மிக உணர்வு போய்விட்டது. மனசாட்சியை அடகு வைத்து த்ப்புக்கு நியாயம் கற்பிக்கப்படுகின்றது. யாரும் பார்க்காமல் தப்பு செய்வது சரிதான் என்று சொல்லப்படுகின்றது. நாலுபேருக்கு நல்லது செய்தால் தப்பு தப்பேயில்லை என்று சொல்லப்படுகின்றது. Dலஞச்ம் அன்பளிப்பாகிவிட்டது. காசு வாங்காமல் ”நட்புக்காக” சுகம் கொடுத்தால் அது விபச்சாரம் இல்லை என்றாகிவிட்டது. தானும் தன் குடும்பமும் சுகிக்க நாட்டைக் கூறு போட்டாலும் பரவாயில்லை என்று தேசப்பற்று ஆகிவிட்டது.

நம் அலுவலகத்தில் நம் மேலதிகாரி நம்மை கவனிக்கவில்லை என்று தெரிந்தால் நாம் என்ன ஆட்டம் ஆடுவோமோ அதைவிட் பல மடங்கு கடவுள் இல்லை என்று சொல்லி உலகில் ஆடிக்கொண்டிருக்கிறோம்.

இன்று கல்வியறிவு இருந்தும் –நிறைந்த வேலைவாய்ப்பு இருந்தும் – படைபல்ம் – பாதுகாப்பு – தொழில்நுட்பம் – பிற நாடுகள் நம் மீது வைத்திருக்கும் மதிப்பு இவை இருந்தும் நாம் இன்னும் முன்னேறவில்லை என்று நம் மனசாட்சி நம்மை உறுத்துவதற்கு காரணம் – ஆன்மிக உணர்வு இல்லாத்து தான்.

இன்று கோயில்களிலும் பள்ளிவாசலிலும் சர்ச்சிலும் கூட்டம் குறையவில்லை. இதை வைத்து ஆன்மிக உணர்வு வளர்ந்துவிட்டது என்று சொல்லமுடியாது. நாம் விரும்புவதையே நம் சகோதரனுக்கும் விரும்பாதவரை ஆன்மிக உணர்வும் வராது. பணம் படை தொழில்நுட்பம் இவற்றில் புலிப்பாய்ச்சல் இருந்தாலும் இந்தியா உட்பட எந்த நாடும் முன்னேறாது. நிறைவும் கிடைக்காது.

--
ஹாஜாமுகைதீன்