தோழி.....

தோழி.....
காதலியாகி கைபிடித்தல்
மிக பிடித்த திருப்பம்....!!

காதலி....
தோழியாகி பிரிவது
மிக பெரிய வருத்தம்...!!
***********************************
தோழிகள் .....
பார்க்க வராவிட்டாலும்
தொலைவிலிருந்து
பாராட்ட மறப்பதில்லை...!!
***************************************
கைகுழந்தையோடு எதிர்வரும்
தோழியிடம்
எல்லாம் விசாரிக்கும் மனசு....அவள்
'காதலை' மறந்தும் விசாரிக்காது
வலி புரிந்து.....!!
****************************************
நண்பனுக்கு..
"பிறந்தநாள் வாழ்த்து"
குறுஞ்செய்தியில் அனுப்பிய அடுத்த நொடி
அனுப்பிய செய்தியை
அழித்து விடும் 'மணமான தோழியின்'
அவலத்தை
"ஆண்வர்க்கம்" அறிந்து கொள்ளுமோ..?