"பாழடைந்த கோட்டையை பழுது பார்த்தவர்கள்"

அங்கே...... என்ன விழாவா...?
மும்புரமாய்; முதற் சுற்று
பம்பரமாய்; ரொம்ப நேரமாய்
என்ன செய்கிறார்கள்....?

அடடே............
எட்டுகாலன்கள் எத்தன்னையோ பேர்
வாயாலே நூலெடுத்து; வாசமில்லா பூதொடுத்து
தொங்க விட்டார்கள் தோரணமாய்...
மூலைமுடுக்கெல்லாம் மாலைகளை...

எட்டிபார்த்த எலிகூட்டம்
புழுக்கையை கொட்டி;
புகைய விட்டு;
அழுக்கு கூடத்துக்கு
அத்தர் ஆக்கின...

பூத்த கருவேலஞ் செண்டுகள்
ஆலங்கன்னு மாடத்தின் கீழ்
அசதியில் ஓய்வெடுத்தன;
காட்டு கொடிகள் கழகம்
கோட்டைக்கு சேலைகட்டி அழகு பார்த்தது

மூச்சில் கட்டளையிட்டு
எல்லோரையும் படம்பிடித்தான்;
நாகன்;ந‌ல்லவன்.

செல் ஒரு புரம்
சுவற்றை சுரண்ட;
கரையான் மண்ணெடுத்து
புற்றுகட்டி பூசுவேலை பார்த்தான்

வவ்வால் வாசிப்பில்
வந்த இசைநதியில்
காதுகள் கதவடைத்து கொண்டன;

புழுக்கை நெடி; ஏரிய நொடி;
புறந்தள்ளி வெளிவந்தேன்;
விழாவீடு;
வெள்ளையடிக்கபடததை கண்டு;
வெதும்பினேன்;விவரம் அறிந்தேன்;
இடைத்தேர்தல், பொதுதேர்தல்
நடக்கவில்லையென;

பார்ப்பவர்களுக்கெல்லாம் அது
அரசன் இருந்த அரண்மனை;
பைத்தியகாரர்கள்
ஒருவனும் உணர்வதில்லை‍_அவை
"நம் தாத்தாக்களின் கைவினை"
தூசிதட்டி பூசி பார்
கைவினை தாத்தன்கள்
வீணை பாட;
தெம்மாங்கு இசைப்பார்கள்...