"என் காதல் கவிதைகள்"

நானும் காதல் கவிதை
எழுதியிருக்கிறேன்.....!
எழுதிக்கொண்டிருக்கிறேன்....

இவையெல்லாம்
ஆதியில்லாமல் அவதரித்த
கடவுளின் குழந்தைகள்;
காளை ஈன்ற கன்றுகள்;
கற்பனை பொழிவில்
கர்பமான இல்லாதவிதையின்
தலை பேறு;

நானும் யோசிப்பதுண்டு
வழியில்லாத வீட்டிற்கு
வழிபோக்கன் வந்தது போல‌
இவை எனக்குள் பிறக்க
காரணமென்ன..........?;

அவள் எவளோ வந்து
அருகமரும் போது
அடித்தொண்டைக்குள்
அடை படும் கவிதைகளுக்கு
முன்னோடியாய்; மூர்ச்சையாவதை
சொல்லி கொடுக்க வந்திருக்களாம்
என நானும் சொல்லிக்கொள்வதுண்டு;

இன்றும் அவை பிறந்து
காகிதங்களை கறையாக்குகின்றன‌
காதலி இல்லாமலே.......
உயிரில்லா உடல் நடப்பதை போல......