என்றும் வாழ்ந்து கொண்டே இருப்பேன்

என் எழுத்தினால் ஒருவர் அமைதி கொண்டால்
என் எழுத்தினால் ஒருவர் மனம் திருந்தினால்
நான் எழுதிக் கொண்டே இருப்பேன்

என் சொல்லினால் ஒருவர் மனம் மகிழ்ந்தால்
என் சொல்லினால் ஒருவர் வெற்றி பெற்றால்
நான் சொல்லிக் கொண்டே இருப்பேன்

என் பாட்டிலே ஒருவர் மனம் உருகினால்
என் பாட்டினால் ஒருவர் உண்மை அறிந்தால்
நான் பாடிக் கொண்டே இருப்பேன்

என் அறிவுரையால் ஒருவர் வாழ்வு சிறப்படைந்தால்
என் அறிவுரையால் ஒருவர் நோக்கம் நிறைவேறினால்
அந்த அறிவுரையைத் தந்து கொண்டே இருப்பேன்

என் அனுபவத்தால் ஒருவர் நன்மையடைந்தால்
என் அனுபவத்தால் ஒருவர் மேன்மையடைந்தால்
அந்த அனுபவத்தைப் பகிர்ந்து கொண்டே இருப்பேன்

நல்ல நண்பர்களால் நமக்கு பயன் ஏற்பட்டால்
நல்ல நண்பர்களால் நமது குறை தீருமென்றால்
அந்த உறவுகளை வளர்த்துக் கொண்டே இருப்பேன்

என் செயலினால் மற்றவர் அகம்குளிர்ந்தால்
என் செயலினால் மற்றவர் திருப்தியடைந்தால்
அதைத் தொடர்ந்து கொண்டே இருப்பேன்

வாழ்க்கை என்பது வாழ்வதற்கே நன்முறையில்
வாழ்ந்திட வேண்டிய வழிமுறைகள் கற்றேனும்
என்றும் வாழ்ந்து கொண்டே இருப்பேன்