சிரிப்புகள்

ஒரு சிறுவன் எஃப் எம் ரேடியோ தொகுப்பாளரை தொலைபேசியில் தொடர்பு கொண்டான்,

"ரயில்வே கம்பார்ட்மெண்டுல ஒரு பர்ஸ் கெடச்சுது. அதில 20,000 ரூபாய் பணம், ஐசிஐசிஐ பாங்க் க்ரெடிட் கார்ட், ராம்ன்ற பேருல ஒரு விசிடிங்க் கார்ட் எல்லாம் இருக்கு."

தொகுப்பாளருக்கு ஒரே ஆச்சரியம், "ஆஹா , உங்க நேர்மையை ரொம்ப பாராட்டறோம். இந்த நிகழ்ச்சி மூலமா ராமை தொடர்பு கொண்டு, அவரோட பர்ஸ் ஐ திருப்பி தரப்போறீங்க. பாராட்டுக்கள்"

சிறுவன் ‍:" அதெல்லாம் இல்லீங்க. அவருக்காக ஒரு சோக பாட்டு போட்டு சமர்ப்பணம் செய்திடுங்க. பை"

பழனிமலை ஆண்டவா....
"வர்ற பிப்ரவரி 14க்குள்ள...
எனக்கு ஒரு நல்ல
லவ்வர் கிடைச்சா
இந்த வேண்டுதல படிக்குற
எல்லாருக்கும்
மொட்டை போட்டு,
நாக்குள வேல் குத்தி,
அவங்க செலவுலையே 10000 பேருக்கு அன்னதானமும் ப்ண்ணி,
அவங்க செல்லையும் உன் உண்டியல்ல போடுறேன்....
இது இந்த வேண்டுதல படிக்கிறவங்க மேல சத்தியம் "

சான்டாவும் பான்டாவும் அலைபேசியில் மெசேஜ் அனுப்பி அனுப்பி அலுத்து போய், புறா மூலமாக கடிதம் பரிமாறி கொள்ள ஆரம்பித்தனர்.
ஒரு நாள் சான்டாவிடமிருந்து பான்டாவிற்கு வந்து சேர்ந்த புறா காலில் ஒரு கடிதமும் இல்லை. இதனால் கோபமுற்ற சான்டா பான்டாவை அழைத்து திட்டினார்.

இதற்கு பான்டாவின் பதில், "டேய் அது மிஸ்ட் கால்டா"

நன்றி ‍ டைம்ஸ் ஆஃப் இந்தியா

தேவையான பொருட்கள்:

1. பெண்ணே - 4 கிலோ
2. என்னவளே - 2 கிலோ
3. கண்ணே , மணியே, முத்தே (ரகத்திற்கு ஒன்று)
4. என்னவோ, செய்கின்றனவே, அதனால்தான் (கவிதைக்கு ஒன்று என்ற அளவில்)
5. !!!!! (வரிக்கு ஒருமுறை தேவைப்படும் என்பதால் எப்போதும் ஸ்டாக் வைத்திருப்பது நல்லது)
6. அடியே, ‘டி’, என்னவள் - போதுமான அளவு
7. காமம் தேவைப்படுவோர் குல்பி,மழை,ஈரம், ஒட்டுதல்,உரசுதல் போன்ற வார்த்தைகளையும் எடுத்துக்கொள்ளலாம்.

8. டிரெண்டிலிருக்கும் ஹீரோயினின் புகைப்படம் - போதுமான அளவு ( ஒரு வேளை உங்கள் காதலி அந்த பதிவை படிக்கும் வாய்ப்பிருந்தால், ஹீரோயின் படத்திற்கு பதிலாக முகம் தெரியாமல் வெட்கப்படும் எதாவது பெண் படத்தை கூகிளில் சுட்டு போடுவது, உடம்பை பாதுகாக்கும்)
செய்முறை:

முதலில் தமிழில் டைப்புவதற்கு கவிதையின் அளவுக்கேற்ற வகையில் ஒரு டைப்பிங்க் டூல் எடுத்துக்கொள்ளவும், என்டர் பட்டன் தேயுமளவிற்கு கன்னாபின்னாவென என்டர் தட்டி நிறைய இடங்களில் ஆச்சர்யக்குறியை போட்டு பொன்னிறமாக மேனஜர் முகம் மாறும் வரை வதக்கவும். அடியே என்னவளே பெண்ணே போன்ற வார்த்தைகளை இன்னொரு பாத்திரத்தில் வேக வைத்து வைத்திருப்பது சாலச்சிறந்தது.

முதலில் என்னவளேவில் ஆரம்பித்து எதாவது பெண்ணின் செய்கையை அடுத்துப்போட்டு வேகவிடவும். பிறகு அதனுடன் ‘ அதனால்தான் என்னவோ’ வைக் கலந்து கொஞ்சம் கிளறவும். பிறகு அந்தப்பெண்ணின் செய்கையால் சூழ்னிலையில் நிகழ்ந்த மாற்றத்தை போட்டு இன்னும் கொஞ்சம் கிளறவும். ஒரு கருகிய வாடை வந்தததும் கூடவே , அடியே பெண்ணே, கில்மாவார்த்தைகளை (3வேளை குளிக்கிறேன், 4 வேளை பல் தேய்க்கிறேன் என கிளீன்பாய் இமேஜ் கிரியேட் செய்து வைத்திருப்பவர்கள், கில்மாவார்த்தைகளை சுத்தமாக தவிர்ப்பது உடம்புக்கு நல்லது) சேர்க்கவும். நன்கு கொதித்ததும், ‘ஓ’ வை இறுதி வார்த்தையில் இணைத்து நாலைந்து கேள்விக்குறிகளுடன் சேர்த்துவிட்டால் காதல் கவிதை ரெடி!!!!

இதே பதத்தில் 4 அல்லது 5 பிளேட் கவிதைகள் செய்து, நடு நடுவே ஹீரோயின் புகைப்படத்தைப் போட்டு சுடச்சுட பரிமாறவும்.

பி.கு : பீலிங்க்ஸில் இருப்பதாக பிலிம் காட்ட நினைப்பவர்கள், சூழ்னிலை மாற்றத்தை முதலிலும், பெண்ணின் செய்கையை இரண்டாவதாகவும் போட்டு நடுவில் ‘அதனால்தான் என்னவோ’விற்கு பதிலாக நினைவூட்டுகிறது என்பதை சேர்த்துக்கொள்ளவும்.

சாம்ப்பிள் பதார்த்தம் கீழே . சில கவிதைகளை சமைத்தும் கமெண்டலாம்.
அடியே என்னவளே!
அடியே!
மொட்டை மாடியில்
காக்கா விரட்டப் பிடிக்கும் உனக்கு
அதனாலதான் என்னவோ
உன்னைப்பிரியப் பயந்து
காக்கா வருவதில்லையோ????????

என்னவளே அடியே! (பீலிங்க்ஸ் வெர்சன்)

என்னவளே
மொட்டைமாடிக்கு காக்கா
வருவதில்லை இப்போதெல்லாம்
நினைவூட்டுகிறது
வந்த காக்காவையெல்லாம்
விரட்டப்பிடிக்கும் எனச் சொன்ன
நீ

** நண்பர் ஒருவரின் குறும்பான படைப்பு இது. ஜெய் பரமானந்தா... (இந்த கதைக்கு சொந்தக்காரரின் பெயர்)