இயேசு கிறிஸ்து - அகப்பேய் சித்தர் - பிச்சை

balagangadharan
ஜூலை 17, 2012 01:40 முப

 
இயேசு கிறிஸ்து-அகப்பேய் சித்தர்-பிச்சை 
               
      “”பதிவு நாற்பத்திஆறை விரித்துச் சொல்ல   
              ஈசர்  பயின்றெடுத்த கரிமுகன் காப்பாகும்””
 
இயேசு கிறிஸ்து :
“அவர்  சமாரியா நாட்டின் வழியாய்ப் போக வேண்டியிருந்தபடியால்,”
                                                                ----யோவான் - 4 : 4
“யாக்கோபு தன் குமாரனாகிய யோசேப்புக்குக் கொடுத்த நிலத்துக்கு அருகே இருந்த சமாரியாவிலுள்ள சீகார்  என்னப்பட்ட ஊருக்கு வந்தார்.”
                                                                ----யோவான் - 4 : 5
“அங்கே யாக்கோபுடைய கிணறு இருந்தது ; இயேசு பிரயாணத்தினால் இளைப்படைந்தவராய் அந்தக் கிணற்றினருகே உட்கார்ந்தார்;  அப்பொழுது ஏறக்குறைய ஆறாம் மணி வேளையாயிருந்தது.”
                                                                -----யோவான் - 4 : 6
“அவருடைய சீஷர்கள் போஜன பதார்த்தங்களைக் கொள்ளும் படி ஊருக்குள்ளே போயிருந்தார்கள்.”
                                                                ----யோவான் - 4 : 7
“அப்பொழுது சமாரியா நாட்டாளாகிய ஒரு ஸ்திரீ தண்ணீர்  மொள்ள வந்தாள். இயேசு அவளை நோக்கி : தாகத்துக்குத்தா என்றார்.”
                                                                -----யோவான்  - 4 : 8
“யூதர்கள் சமாரியருடனே சம்பந்தங் கலவாதவர்களானபடியால், சமாரிய ஸ்திரீ அவரை நோக்கி: நீர்  யூதனாயிருக்க, சமாரியா ஸ்தீரியாகிய என்னிடத்தில்,  தாகத்துக்குத்தா என்று எப்படிக் கேட்கலாம் என்றாள்.”
                                                                ----யோவான் - 4 : 9
“இயேசு அவளுக்குப் பிரதியுத்தரமாக: நீ தேவனுடைய ஈவையும், தாகத்துக்குத்தா என்று உன்னிடத்தில் கேட்கிறவர்  இன்னார்  என்பதையும் அறிந்திருந்தாயானால், நீயே அவரிடத்தில் கேட்டிருப்பாய், அவர்  உனக்கு ஜீவத் தண்ணீரைக் கொடுத்திருப்பார்  என்றார்.”
                                                -------யோவான்- 4 : 10
“அதற்கு அந்த ஸ்திரீ: ஆண்டவரே, மொண்டு கொள்ள உம்மிடத்தில் பாத்திரமில்லையே, கிணறும் ஆழமாயிருக்கிறதே, பின்னை எங்கேயிருந்து உமக்கு ஜீவத் தண்ணீர்  உண்டாகும்.”
                                                -----யோவான் - 4 : 11
“இயேசு அவளுக்குப் பிரதியுத்தரமாக: இந்தத் தண்ணீரைக் குடிக்கிறவனுக்கு மறுபடியும் தாகமுண்டாகும்”
                                                ------யோவான் - 4 : 13
“நான் கொடுக்கிற தண்ணீரைக் குடிக்கிறவனுக்கோ ஒருக்காலும் தாகமுண்டாகாது; நான் அவனுக்குக் கொடுக்கும் தண்ணீர்  அவனுக்குள்ளே நித்திய ஜீவகாலமாய் ஊறுகிற நீரூற்றாயிருக்கும் என்றார்”
                                                -----யோவான் - 4 : 14
 
செய்யும் தொழிலின் அடிப்படையில் இருந்த சாதி - இன்று
பிறப்பின் அடிப்படையில் மாறிவிட்டது.
ஒருவரை உயர்த்திக் காட்டுவதற்கும் ,
உயர்ந்த நிலையில் வைப்பதற்கும் ,
தாழ்த்திக் காட்டுவதற்கும் ,
தாழ்ந்த நிலையில் வைப்பதற்கும் ,
அடிமைப்படுத்தி வைப்பதற்கும் ,
அடையாளச் சின்னமாக சாதி சமுதாயத்தில் ,
பயன்படுத்தப் பட்டு வருகிறது.
சமுதாயத்தில் தள்ளி வைக்கப்பட்டவர்கள் ;
தாழ்த்தி வைக்கப்பட்டவர்கள் ;
அடக்கி வைக்கப்பட்டவர்கள் ;
ஒதுக்கி வைக்கப்பட்டவர்கள் ;
அனைவருடனும் இணைந்து சரிநிகர்  சமமாக
ஏற்றத்தாழ்வு இல்லாமல் ,
அடிமையாக இல்லாமல் மனிதரோடு மனிதராக
மனிதர்  என்ற நிலையை அடைந்து வாழவேண்டும்
என்ற உயர்ந்த நோக்கத்தில்
சீர்திருத்த எண்ணம் கொண்டு
புரட்சிகர செயல்கள் பல செய்து
சமுதாயம் திருந்துவதற்கு
சமுதாயம் தன் நிலையை மாற்றிக் கொள்வதற்கு
சமுதாயம் துhய்மை நிலையை அடைவதற்கு
தனி மனித ஒழுக்கத்தை வலியுறுத்தி
தனி மனிதன் திருந்த, சமுதாயம் திருந்தும்
தனி மனிதன் சிந்தனை சமுதாய சிந்தனையாக
மாற வேண்டும் என்ற கருத்து
வலுப்பெற வேண்டும் ; நிலைப்பெற வேண்டும் ;
மக்கள் மனது தெளிய வேண்டும் ;
மாற்றம் பெற வேண்டும் ;
மமதை அழிய வேண்டும் ;
ஆணவம் விலக வேண்டும் ;
அடிமைத் தனம் மாற வேண்டும் ;
கருணை சுரக்க வேண்டும் ;
அன்பு பொழிய வேண்டும் ;
அறம் தழைக்க வேண்டும் ;
மாற்றங்கள் உருவாக வேண்டும் ;
மனம் துhய்மையுற வேண்டும் ;
உள்ளம் தெளிவாக வேண்டும் ;
சமுதாயம் திருந்த வேண்டும் ;
பகைமை மாய வேண்டும் ;
புரட்சி பூக்க வேண்டும் ;
சமதர்மம் வளர வேண்டும் ;
சுயசிந்தனை பெருக வேண்டும் ;
பொதுநலம் ஓங்க வேண்டும் ;
சுயநலம் மாள வேண்டும் ;
அறிவு அரசாள வேண்டும் ;
மடமையை புதைக்க வேண்டும் ;
உண்மை ஓங்க வேண்டும் ;
பொய்மை எரிய வேண்டும் ;
நல்லவை நடக்க வேண்டும் ;
தீயவை சாக வேண்டும் ;
 
என்ற உயர்ந்த நோக்கத்தில்
சமுதாயத்தை சீர்படுத்த வேண்டும் என்ற நோக்கத்தில்
அழகிய பூந்தோட்டமான இந்த சமுதாயத்தை
சில பன்றிகள் புகுந்து பாலைவனமாக்கி விட்டன
நல்ல நீரை அசுத்தமாக்கி விட்டன
என்பதை நினைவில் கொண்டு ,
நல்லெண்ணம் கொண்டோர்  இந்த சமுதாயத்தை
மாற்ற முற்பட்டு மாண்டு போனார்களே ஒழிய ?
சமுதாயத்தில் சாதி ,
பிளவினை  ஏற்படுத்தித் தான் வைத்திருக்கிறது
 
இயேசுவின் காலத்தில் சமாரியர்கள் தீண்டத்தகாதவர்கள் என்று
யூதர்களால் ஒதுக்கி வைக்கப் பட்டிருந்தனர்.
சாதி தன் சுய உருவத்துடன்
உலவிக் கொண்டு தான் இருந்தது அந்த கால கட்டத்தில்.
பிதா தனக்கு அளித்தவற்றை ,
பிதா தனக்கு உணர்த்தியவற்றை ,
பிதா தனக்கு வெளிப்படுத்தியவற்றை ,
பிதா தனக்கு காட்டியவற்றை ,
பிதா தனக்கு கொடுத்தவற்றை ,
இந்த உலகத்தில் உள்ள மக்கள்
அனைவரும் அறிய வேண்டும்
அறிந்துமனம் தெளிய வேண்டும்
ஆண்டவரை உணர வேண்டும் என்ற காரணத்திற்காக
இயேசு பல்வேறு இடங்களுக்கு சென்றார்
ஆண்டவர்  கருணையை பல்வேறு இடங்களில் பரப்பினார்
ஆண்டவர்  அன்பை பல்வேறு மக்களின் மேல் பாய்ச்சினார் .
 
அத்தகைய காலகட்டத்தில் - அவர்
சமாரியா நாட்டின் வழியாய்ப் போக வேண்டியிருந்தது.
இயேசு சமாரியப் பகுதியில் உள்ள சிக்கார்  என்ற ஊருக்கு வந்தார்.
பயணத்தால் ஏற்பட்ட களைப்பு உடலைத் தாக்க
கிணறு அருகே அமர்ந்தார்.
 
இயேசுவின் சீடர்கள் உணவைப் பெறும் பொருட்டு
ஊருக்குள்ளே சென்று இருந்தார்கள்
இயேசு சமாரியப் பெண் ஒருத்தியைச் சந்திக்கிறார்
அப்பெண்ணிடம் குடிக்கத் தண்ணீர்  கேட்கிறார்
அவள் வியப்படைகிறாள் .ஏனெனில் ,
யூதர்கள் சமாரியர்களைத் தாழ்ந்தவர்களாகக் கருதினர்.
அவர்கள் வீட்டில் தண்ணீர்  கூட குடிக்க  மாட்டார்கள்.
யூதர்கள் சமாரியருடன் சம்பந்தங் கலவாதவர்கள்.
இப்படியிருக்க அந்த ஸ்திரீ வியப்பு மேலிட்டால்
நீர்  யூதன் என்ற நிலையில் சமுதாயத்தால்
உயர்த்தி வைக்கப் பட்டிருப்பவர்.
சமாரியர்களாகிய நாங்கள் சமுதாயத்தால்
தாழ்த்தி வைக்கப்பட்டவர்கள்.
இப்படியிருக்க சமாரிய பெண்ணாகிய என்னிடத்தில்
தாகத்துக்கு தண்ணீர்  தா என்று எப்படி நீர்  கேட்கலாம் என்றாள்.
 
பிதாவின் குமாரர்,
இந்த அவனியை ரட்சிக்க வந்தவர்,
உயிரினங்களின் மேல் கருணை மழை பொழிய வந்தவர்,
பாவங்களை போக்க வந்தவர்,
தன்னிடம் தண்ணீர் கேட்கிறார்
என்பதை உணராத நிலையிலேயே
அந்த பெண்ணின் நெஞ்சம் இருக்கிறது.
உலகில் உள்ள பெரும்பான்மையானோர்
உண்மை ஆண்டவரை உணர முடியாமல்
துன்பத்தில் உழன்று கொண்ருக்கிறார்கள்.
 
அதனால் தான் இயேசு ஆண்டவரையும்,
ஆண்டவரின் செயல்களையும் ,
ஆண்டவரின் வெளிப்படுத்துதல்களையும் ,
ஆண்டவரின் மகிமைகளையும் ,
நீ உணர்ந்திருந்தாயானால் உன்னிடம்
தண்ணீர்  கேட்பவர்  யார் ? எதற்காக கேட்கிறார்?
எந்த நோக்கத்திற்காக கேட்கிறார்?
எந்த ஒன்றை வெளிப்படுத்த கேட்கிறார்?
எந்த ஒன்றை உணர்த்த கேட்கிறார்?
எந்த ஒன்றை சுட்டிக்காட்ட கேட்கிறார்?
எந்த ஒன்றை வலியுறுத்த கேட்கிறார்?
எந்த ஒன்றை நிலைநிறுத்த கேட்கிறார்?
எந்த ஒன்றை ஏற்படுத்த கேட்கிறார்?
என்பதை உணர்ந்திருந்தாயானால்
உணரக்கூடிய அறிவைப் பெற்றிருந்தாயானால்
அவரே உனக்கு ஜீவத் தண்ணீரைக் கொடுப்பார்.
ஆத்மா துhய்மை அடையக் கூடிய
நிலையைக் காட்டுவார்  என்று பொருள்.
 
அழுக்கு நிறைந்த துணியை நீர்  எப்படி
துhய்மைப் படுத்துகிறதோ அதைப் போல
பாவங்களால் சூழப்பட்ட ,
பாவங்களால் பாதிக்கப்பட்ட ,
பாவங்களால் நிரப்பப்பட்ட ,
பாவங்களால் களங்கப்பட்ட ,
அழுக்கடைந்த ஆத்மாவை துhய்மைப் படுத்தும்
முறையை உனக்கு அளித்து
ஆத்மாவை துhய்மைப்படுத்துவார்  என்கிறார்  இயேசு .
 
ஜீவத் தண்ணீர்  என்றால் ஆத்மாவை துhய்மைப் படுத்தும்
வழிமுறைகள் என்று பொருள் .
ஜீவத் தண்ணீரை  தாகம் தீர்க்கும் தண்ணீர் ,
உடல் பசியைத் தீர்க்கும் தண்ணீர் ,
உடல் தேவையைத் தீர்க்கும் தண்ணீர்,
என்று தவறாக புரிந்து கொண்ட அந்தப் பெண்
கிணற்றிலிருந்து நீரை மொள்ள
உம்மிடத்தில் ஒரு பாத்திரமுமில்லை
அப்படியிருக்க நீர்  எப்படி எனக்கு
ஜீவத் தண்ணீரை கொடுக்க முடியும் என்றாள் .
 
இயேசு ஜீவத் தண்ணீர்  என்று சொன்னது
ஆத்மாவை துhய்மைப் படுத்தும் வழிமுறைகள் அதாவது
ஆத்மாவை துhய்மைப் படுத்தும் தண்ணீர்.
அந்த பெண் ஜீவத் தண்ணீர்  என்று நினைத்துக் கொண்டது
உடல் பசியைத் தீர்க்கும் தண்ணீர்.
தவறான அர்த்தம் கொண்டு கேள்வி கேட்ட
அந்த பெண்ணின் கேள்விக்கு இயேசுவின் பதில்
மிக உயர்ந்தது ஆகும் .
 
மனிதர்களுக்கு பல்வேறு தாகங்கள்
 
மாணவனுக்கு மதிப்பெண் மேல் தாகம் ;
பட்டதாரிக்கு வேலையின் மேல் தாகம் ;
போட்டியிடுபவனுக்கு வெற்றியின் மேல் தாகம் ;
உழைப்பாளிக்கு கூலியின் மேல் தாகம் ;
படைப்பாளிக்கு புகழின் மேல் தாகம் ;
அரசியல்வாதிக்கு ஆட்சியின்மேல் தாகம் ;
போராளிக்கு கொள்கையின் மேல் தாகம் ;
ஏழைக்கு முன்னேற்றத்தின் மேல் தாகம் ;
வீரனுக்கு வெற்றியின் மேல் தாகம் ;
என்று தாகங்கள் பல உண்டு .
 
மனதை புறத்தே செலுத்தி
புறத் தேவைகளின் மீது தாகம் கொண்டவனுக்கு
தாகம் தீர்க்கும் மருந்து எவ்வளவு தான்
கிடைத்தாலும் அவன் தாகம் தீர்வதில்லை.
 
வற்றாத ஜீவ ஊற்றாக தொடர்ந்து வெளிப்பட்டவண்ணம் இருக்கும்
புறப்பொருள்களின் மேல் நாம் கொண்ட தாகம்.
மனதை புறத்தே செலுத்தி புறப்பொருள்களை அனுபவித்தல்;
புறப்பொருள்களை சுகித்தல்;
புறப்பொருள்களோடு தொடர்பு கொள்ளுதல்;
புறப்பொருட்களை உரிமை ஆக்கிக் கொள்ளுதல்;
புறப்பொருட்களின் மேல் ஆதிக்கம் செலுத்துதல்;
புறப்பொருட்களை தன் கட்டுப்பாட்டின் கீழ் கொண்டு வருதல்;
புறப்பொருட்களை தன் சுயநலத்திற்கு பயன்படுத்திக் கொள்ளுதல்;
புறப்பொருட்களின் மேல் புறத்தே உள்ளவைகளின் மேல்
ஆதிக்கம் செலுத்துதல் ; அழிக்க நினைத்தல்;
களவாட துடித்தல் ; என்று மனதை புறத்தே செலுத்தியவனுக்கு
புறத்தேவைகளின் மேல் கொண்ட தாகம் தீராது.
புறப்பொருட்களின் மேல் நாம் கொண்ட
தாகம் தீர்க்கும் மருந்து எதுவென்று மனிதன் உணரவில்லையெனில்
தாகத்தை தீர்க்க முடியாமல்
தாகத்தின் தாக்கத்தை
தாங்க முடியாமல் மனதளவில்
தட்டுத் தடுமாறி தாழ்வான எண்ணம் கொண்டு
தன் நிலை மறந்து
தகாத செயல்கள் பல செய்து
தாழ்வான நிலை அடைந்து
தாளாத துயரத்தில்
தள்ளப்பட்டு
வாழ்க்கையை வாழ முடியாமல்
திண்டாடி திணறிக் கொண்டு அலைவான்.
 
புறத் தேவைகளின் மேல் பற்று வைத்தவனுக்கு
அதன் மேல் கொண்ட தாகம் தீராது.
தொடர்ந்து வளர்ந்து கொண்டே இருக்கும்.
பெருகிக் கொண்டே இருக்கும்.
அதனால் தான் இயேசு இந்தத் தண்ணீரை
குடிக்கிறவனுக்கு மறுபடியும் தாகமுண்டாகும் என்கிறார்.
அதாவது புறத் தேவைகளின் மேல்
ஆசை கொண்டவனுக்கு
அதை மேலும் மேலும் அடைய வேண்டும்;
இன்பம் அனுபவிக்க வேண்டும்;
ஆசையை துய்க்க வேண்டும்;
என்ற பேராசை எழுமேயன்றி அவனுடைய ஆசை தீராது.
அதனால் தான் இயேசு இந்தத் தண்ணீரை ,
குடிக்கிறவனுக்கு மறுபடியும் தாகமுண்டாகும் என்கிறார்.
 
புறத் தேவைகளின் பின்னால் செல்பவனுடைய
தாகம்  தீரவேண்டுமானால்
அவன் புறத் தேவைகளை விடுத்து ,
புறப் பொருட்கள் நிரந்தரமற்றவை என்பதை உணர்ந்து
புறப்பொருட்களைக் கடந்து
அகத்திற்குள் செல்ல வேண்டும் ;
ஆண்டவரை உணர வேண்டும் ;
ஆண்டவருடன் கலக்க வேண்டும் ;
அவ்வாறு இணையும் பேறு பெற்றவனால் மட்டுமே
புறப்பொருட்களின் மேல் கொண்ட தாகம்
அநித்தியமானது ; அழிந்து விடக் கூடியது ;
என்ற உண்மையை உணர முடியும் .
 
அத்தகைய  நிலை கொண்டவனால் மட்டுமே
புறப்பொருட்களின் மேல் கொண்ட தாகம் எத்தகைய
தன்மை உடையது என்பதை உணர முடியும்.
அழியக் கூடிய புறப்பொருட்களின் மேல் ஆசை
வைத்தோம் என்பதை அறிய முடியும்.
 
நான் காட்டும் வழியினைப் பின்பற்றுபவனுக்கு
புறப்பொருட்களின் மேல் உள்ள ஆசையிலிருந்து விடுபட்டு
அகத்திலுள்ள ஆண்டவருடன் இணையும் பேறு பெற்று
நித்தியமாய் வாழ்வதற்குரிய தகுதியைப் பெற முடியும்.
ஆகவே அழியக் கூடிய நிலையிலுள்ளவைகளின் மேல் உள்ள
ஆசையை விடுத்து என்றும் நித்தியமாய் இருக்கும்
ஆண்டவரை உணர்ந்து
ஆண்டவருடன் இணையும் வழி முறைகளைப் பின்பற்றி
நித்தியமாய் வாழ்வதற்குரிய பெரும் பேற்றினை
அடைய முடியும் .
ஆண்டவருடன் இணைந்து நித்தியமாய்
வாழ முடியும் என்கிறார்  இயேசு.
 
அகப்பேய்ச் சித்தர்:
“”பிச்சை யெடுத்தாலும் அகப்பேய்
                பிறவி தொலையாதே
இச்சை யற்றவனிடம் அகப்பேய்
                எம்மிறை கண்டாயே”””
                                -------அகப்பேய்ச் சித்தர்----பெரியஞானக் கோவை-----
ஆத்திகத்திற்கும் நாத்திகத்திற்கும்
வேறுபாடு உள்ளது.
 
கடவுளை உணர்ந்தவன் ஆத்திகன்
கடவுளை உணராதவன் நாத்திகன்
 
கடவுளை அறிந்தவன் ஆத்திகன்
கடவுளை அறியாதவன் நாத்திகன்
 
கடவுளில் கலந்தவன் ஆத்திகன்
கடவுளில் கலக்காதவன் நாத்திகன்
 
கடவுளைக் கண்டவன் ஆத்திகன்
கடவுளைக் காணாதவன் நாத்திகன்
 
அதை விடுத்து
கடவுள் உண்டு என்று சொல்பவன் ஆத்திகன்
கடவுள் இல்லை என்று சொல்பவன் நாத்திகன்
என்று மனித மனங்களை குறிப்பிட்ட
எல்லைக்குள் வரம்பிற்குள் இயக்க பழக்கப்படுத்தி விட்ட
காரணத்தினால் வார்த்தைகளுக்குள் இருக்கும்
அர்த்தம் புரியாமல் , புரிந்து கொள்ள முடியாமல்
மனிதன் திண்டாடுகிறான்.
 
எல்லையற்ற ஒன்றை ஒரு குறிப்பிட்ட எல்லைக்குள்
கொண்டு வர முயற்சிக்கிறான்.
எல்லைக்குள் இருப்பவனால் எல்லைக்குட்பட்டவற்றை
மட்டுமே சிந்திக்க முடியும்.
 
எல்லையற்றதை உணர்ந்தவனால் மட்டுமே
எல்லையற்றதை உணர முடியும் ;
எல்லையற்றதை சிந்திக்க முடியும் ;
எல்லையற்றதில் தெளிவு பெற முடியும் ;
எல்லையற்றதின் விளக்கம் அறிய முடியும் ;
எல்லையற்றதின் மறைபொருள் உணர முடியும் ;
 
எல்லையற்றதை உணர்ந்தவனால்
எல்லைக்குட்பட்டவற்றை உணர முடியும் .
எல்லைக்குட்பட்டவனால் எல்லையற்றதை உணர்வது கடினம்
எல்லைக்குட்பட்டவன் எல்லையற்றதை அறிய முயற்சி
செய்ய வேண்டும் .
எல்லையற்ற ஒன்று எல்லை இன்றி
இருப்பதில் தெளிவு பெற வேண்டும் .
எல்லைக்குட்பட்ட நிலையில் இருந்துகொண்டு
எல்லையற்றதை அறிய முடியாது .
 
எல்லைக்குட்பட்டவைகளிலிருந்து மனம் விடுபட்டு
எல்லையற்ற நிலையில் அறிவு நிலை பெறும் போது
எல்லையற்ற ஒன்றை எல்லைக்குட்பட்டவனால்
உணரமுடியும்.
மனிதன் எல்லைக்குள்ளேயே வாழ்ந்து பழகி விட்டான்.
எல்லையை மீறி வெளியே வர மாட்டான்.
எல்லையை மீறும் போது தான் ;
எல்லையை எரிக்கும் போது தான் ;
எல்லையை விலக்கும் போது தான் ;
எல்லையை உடைக்கும் போது தான் ;
எல்லையை அறுக்கும் போது தான் ;
எல்லையை தாண்டும் போது தான் ;
மனிதன் எல்லையற்றதுடன் இணைய முடியும் .
எல்லையற்றதை உணர முடியும் .
எல்லையற்றதாகவே மாற முடியும் .
 
இந்த உலகத்தில் பிறக்கும் குழந்தை
அன்னையின் அன்பு என்ற எல்லைக்குள் இருக்கிறது ;
தந்தையின் கட்டுப்பாடு என்ற எல்லைக்குள் இருக்கிறது ;
சாதி முத்திரை என்ற எல்லைக்குள் இருக்கிறது ;
மதக் கோட்பாடு என்ற எல்லைக்குள் இருக்கிறது ;
திருமண பந்தம் என்ற எல்லைக்குள்  இருக்கிறது ;
குழந்தைச் செல்வம் என்ற எல்லைக்குள் இருக்கிறது ;
சமுதாய நியதி என்ற எல்லைக்குள் இருக்கிறது ;
ஒழுக்க நெறிகள் என்ற எல்லைக்குள் இருக்கிறது ;
கட்டுப்பாட்டு முறைகள் என்ற எல்லைக்குள் இருக்கிறது ;
இவ்வாறாக ஒரு குறிப்பிட்ட எல்லைக்குள்ளேயே
சுழன்று சுழன்று இயங்கி அலைந்த மனித மனம்
இயங்கிய மனிதன் எவ்வாறு தன் எல்லையை
உடைத்து வெளியே வந்து எல்லையற்ற ஒன்றை உணர முடியும் .
 
எல்லையற்றது ஒரு குறிப்பிட்ட இயக்க நியதிக்குள்
இயங்குகிறது என்பதை உணர வேண்டுமானால்,
எல்லைக்குட்பட்டது எந்த இயக்க ஒழுங்குக்குள்
இயங்குகிறது என்பதை அறிய வேண்டும் .
 
விதிக்கப்பட்டது விதிக்கப்பட்டாகி விட்டது
நடக்க வேண்டியது நடக்க வேண்டிய காலத்தில்
நடந்தே தீரும் அதை யாராலும் மாற்ற முடியாது
என்பதை அனுபவத்தால் உணர்ந்து
என்பதில் புத்தி தெளிந்து
என்பதில் விளக்கம் பெற்று
என்பதில் சிந்தை தெளிந்த நிலையில்
 
கர்ம வினையின் தாக்கம் இருக்கும் வரை
பிறவிப் பெருங்கடல் நீண்டுகொண்டே செல்லும் .
கர்மவினை கழிக்காமல் இறப்பை அறுக்க முடியாது .
பிறப்பை எரிக்க முடியாது .
கர்மவினை இருக்கும் வரை பிறப்பு இறப்பு
சுழற்சி இருந்து கொண்டே தான் இருக்கும்
என்பதை உணர முடியும் .
 
கர்மவினை என்றால் என்ன என்றும் ,
அது எத்தகைய விளைவுகளை ஏற்படுத்தும் என்றும் ,
எத்தகைய நிலைகளை உண்டாக்கும் என்றும் ,
எத்தகைய இன்ப துன்பங்களை உருவாக்கும் என்றும் ,
எத்தகைய ஏற்ற இறக்கங்களை கொணரும் என்றும் ,
எத்தகைய வெற்றி தோல்விகளை நிலைப்படுத்தும் என்றும் ,
என்பதை உணர முடிந்தவனால் மட்டுமே ,
கர்ம வினையை கழிக்க முடியும் .
 
பிறப்பு - இறப்பை அழிக்க முடியும் .
முக்தி என்னும் மெய்ஞ்ஞான நிலையை அடைய முடியும் .
அதை விடுத்து எல்லைக்குட்பட்ட நிலையில் இருந்துகொண்டு ,
எல்லைக்குட்பட்டவற்றை அனுபவித்துக் கொண்டு ,
சுகபோகத்தில் திளைத்துக் கொண்டு ,
இன்ப வெள்ளத்தில் நீந்திக் கொண்டு,
சிற்றின்ப மோகத்தில் மூழ்கிக் கொண்டு இருப்பேன் ;
வாழ்வின் வசந்தத்தை அனுபவிப்பேன்;
வசந்தத்தின் எல்லைகளை தொட்டிருப்பேன்;
என்ற நிலையில் ,
துன்பத்தின் சுமை எனக்கு வேண்டாம்;
துயரத்தின் கொடுமைகள் எனக்கு வேண்டாம்;
வறுமையின் வாட்டுதல் எனக்கு வேண்டாம்;
ஏழ்மையின் ஏமாற்றங்கள் எனக்கு வேண்டாம்;
கவலையின் கண்ணீர்  எனக்கு வேண்டாம்;
தோல்வியின் தாக்கங்கள் எனக்கு வேண்டாம் ;
என்று சோகங்கள் நிறைந்த,
கவலைகள் தோய்ந்த,
துன்பங்கள் குவிந்த,
இந்த வாழ்க்கை வேண்டாம்.
இன்ப வாழ்க்கை வேண்டும்;
இனிமை நிறைந்த வாழ்க்கை வேண்டும்;
எல்லாம் நிறைந்த வாழ்க்கை வேண்டும் ;
என்று இறைவனை நோக்கி இறைவா எனக்கு
துன்பம் நிறைந்த வாழ்க்கை வேண்டாம்
இன்பம் நிறைந்த வாழ்க்கை வேண்டும்
இனி எத்தனை பிறவி எடுத்தாலும்
இனி எத்தனை ஜென்மம் கடந்தாலும்
துன்பங்கள் நிறைந்த , சூழ்ந்த பிறவி வேண்டாம் என்றால்
துன்பமற்ற பிறவி கிடைக்குமா? கிடைக்காது !
 
பிறவி நீண்டு கொண்டே தான் செல்லும்
பிறப்பு - இறப்பு சுழல் அற வேண்டுமானால்
பிறவி தொலைய வேண்டுமானால்
கர்மவினை கழிய வேண்டும் ;
கர்மவினை எரிய வேண்டும் ;
கர்மவினை உருவாகாமல் எழும் முன்
தடுக்க வேண்டும்
மனித மனதினுள் இச்சை எழும்போது
கர்மவினை விதைக்கப்படுகிறது.
எண்ணம், சொல் ,செயலால் இச்சை அதிகரிக்க ,அதிகரிக்க
எல்லைக்குட்பட்டவற்றை தன் ஆதிக்கத்தின் கீழ் கொண்டு வர
நினைக்கும் போது கர்மவினை செடியாகி ,மரமாகி ,பூவாகி,
காயாகி ,கனியாகி விடுகிறது.
வளர்ந்த கர்மவினை தன்னுள் உள்ளதை
மனிதனுக்கு எடுத்துக் காட்டும் போது,
மனிதன் தான் விதைத்ததை தானே காணும் போது,
தன்னால் விதைக்கப்பட்டது தனக்கே கொடுக்கப்படும் போது,
 
இன்பத்தின் எழில்களையும்
துன்பத்தின் கண்ணீரையும் காண்கிறான்.
இதனால் பிறவிப் பெருங்கடல் நீள்கிறது.
விதைக்கப்பட்டது புதைக்கப்படவில்லை,
புதைக்கப்படுவதில்லை,
அது இடம் ,நேரம், காலம், அழுத்தம் என்ற
நிலைகளுக்கேற்ப வெளிப்படுகிறது.
இத்தகைய கர்மவினைகள் வெளிப்படா வண்ணம்
இருக்க வேண்டுமானால் கர்மவினைகள் உருவாக வண்ணம்
இருக்க வேண்டுமானால் இச்சையற்று இருக்க வேண்டும்.
 
இச்சையற்று இருப்பவனிடம் கர்மவினைகள் உருவாகாது
இச்சை எழும்போதே கண்டு,
அதன் நிலை கண்டு,
அதன் தேவை கண்டு,
அதன் பிறப்பு கண்டு,
அதன் ஒழுக்கம் கண்டு,
ஆராய்வதன் மூலம் கர்மவினை உருவாகாமல் தடுக்க முடியும்.
கர்மவினை மனித வாழ்வை சிதைக்காமல் பார்க்க முடியும்.
இச்சையற்றவனிடம் கர்மவினை உருவாகாது.
கர்மவினை இல்லாதவன் மட்டுமே
இறைவனை அடைய முடியும்.
இறைவனாகவே மாற முடியும்.
 
அந்த நிலையில் தான்,
எல்லையற்ற ஒன்று எல்லைக்குட்பட்ட
இந்த உடலுக்குள் குடி கொண்டு
தான் அவனாக மாற முடியும்.
அதாவது இச்சையற்றவனிடம் இறைவன் இருப்பான்
என்கிறார்  அகப்பேய்ச் சித்தர்.
 
இயேசு கிறிஸ்து - அகப்பேய்ச் சித்தர் :
இயேசு,
புறத்தேவைகளின் மேல் உள்ள பற்றுக்களை விடுத்து
அகத்தே உள்ள ஆண்டவரை தரிசித்து
ஆண்டவர்  அருள் பெற்று ஆண்டவருடன் இணைந்து
பாவங்களைக் கழித்தவன் மட்டுமே நித்தியமாய் வாழக் கூடிய
நிலையைப் பெறுவான் என்கிறார்.
 
அவ்வாறே,
அகப்பேய்ச்சித்தரும்,
புறத் தேவைகளின் மேல் கொண்டுள்ள
இச்சைகளை விடுத்து கர்ம வினைகளைக் கழித்தால்
பிறப்பு - இறப்பு சுழற்சியை அறுத்து
நித்தியமாய் வாழக்கூடிய பெரும் பேற்றினை
அடைய முடியும் என்கிறார்.
  “”போதித்த குருவின்பாதம் தெண்டனிட்டுப்
                                                போற்றினேன் பதிவுநாற்பத்திஆறு ந்தான்முற்றே “”