வெஜ் குருமா

asima
ஆகஸ்ட் 12, 2009 03:39 பிப

தேவையான பொருட்கள்

நறுக்கிய காய்கறிகள் - 1 கப்
வெங்காயம் - 1 கப்
பச்சைமிளகாய் - 1
தக்காளி - 2
இஞ்சி-பூண்டு விழுது 1/2 ஸ்பூன்
கறிவேப்பிலை, கொத்துமல்லி - சிறிது
கடுகு - 1/2 ஸ்பூன்
மிளகாய்த்தூள் - 1 ஸ்பூன்
மஞ்சள்தூள் - 1/4 ஸ்பூன்

அரைக்க
தேங்காய் - 1/4 மூடி
கிராம்பு - 2
பிரிஞ்சி இலை - 2
பட்டை - சிறு துண்டு
சோம்பு - 1/2 ஸ்பூன்
கசகசா - 1/2 ஸ்பூன்
முந்திரி (அ) வேர்க்கடலை - 6

தயாரிக்கும் முறை

காய்களை நடுத்தரமான அளவுகளில் கட் செய்யவும்

அரைக்க வேண்டிய பொருட்களை நைசாக அரைத்துக் கொள்ளவும்
கடாயில் 2 ஸ்பூன் எண்ணெய் ஊற்றி, காய்ந்ததும் கடுகு போடவும்...கடுகு பொரிந்ததும் வெங்காயம், பச்சைமிளகாய், கறிவேப்பிலை சேர்த்து வதக்கவும்

இஞ்சி-பூண்டு விழுது சேர்த்து பச்சை வாசனை போக வதக்கி மஞ்சள்தூள் சேர்க்கவும். அத்துடன் நறுக்கிய காய்கறிகளைச் சேர்த்து சில நிமிடம் வதக்கவும்.

தேவையான தண்ணீர் சேர்க்கவும். காய்கள் பாதி வெந்ததும் நறுக்கிய தக்காளி, சேர்க்கவும்
மிளகாய்த்தூள், உப்பு சேர்க்கவும்

3 நிமிடங்கள் கழித்து அரைத்து வைத்துள்ள மசாலா கலவை சேர்த்து கிளறி விடவும்.
மிதமான தீயில் குருமாவை நன்கு கொதிக்க விடவும்.
கடைசியாக மல்லி இலை தூவி இறக்கவும்.