கண்டாக்ட் லென்ஸ் உபயோகிக்கும் போது கவனிக்க வேண்டியவைகள்

கண்டாக்ட் லென்ஸ் உபயோகிக்கும் போது கவனிக்க வேண்டியவைகள்

• கண்ணை தெரியாத்தனமாக கசக்கிவிடக்கூடாது
• தூங்கும் போது, குளிக்கும் போது இதை அணியக்கூடாது
• லென்ஸை அதை மிக தூய்மையாக வைத்திருக்க வேண்டும்
• அதற்கான திரவத்தில் கழுவி கண்ணில் அணிய வேண்டும்
• முதலில் கொஞ்ச நேரம் உறுத்துதல் இருக்கும், அதிக உறுத்துதல் இருந்தால் மருத்துவர் ஆலோசனைப்படி அதற்கான மருந்தை கண்ணில் விடலாம்
• லென்ஸில் பல வகை உள்ளது, தேவையான கண்ணாடி அணிவது போல மருத்துவர் அதற்கான லென்ஸை தருவார்.
• பஸ்ஸில் பிரயாணத்தின் போது ஜனனல் பக்கம் ஆகாது. முக்கியமாக கண்ணில் தூசு விழக்கூடாது. அல்லது பிரயாணத்தின் போது கழட்டி வைத்துவிட்டு பின்பு கண்ணை கழுவி அணிந்து கொள்ளலாம்.
• சிறிய கண்ணாடி கைவசம் வைத்திருந்தால் அதில் பார்த்து லென்ஸை சரிசெய்ய உதவும்.
• லென்ஸை கழுவும் போதும் அணியும் போதும் கை மிக தூய்மையாக இருக்க வேண்டும். முக்கியமாக கைகழுவும் இடத்தில் வைத்து லென்ஸை கழுவாதீர்கள். அது தவறி உள்ளே விழுந்துவிடக்கூடும்.
• அணியும் போது மடியில் தூய்மையான துணி போட்டுவிட்டு அணி்ந்தால் கை தவறிவிட்டால் கீழே விழாமல் துணியில் விழும்.
• அதிக வலி இருந்தால் கண் மருத்துவரை கண்டிப்பாக அணுகவும்.