அணிவகுத்த அலங்கார வாகனங்கள்
01. மங்கள இசை ஊர்தி:- இசைக்கலைஞர்கள் மங்கள இசை முழங்கி வருகின்றனர்.
02. மலைக்கு எல்லோரும் எல்லாமும் சமம்:- குறிஞ்சி நிலக் காட்சி.
03 .காதல் உணர்வு பறவைக்கும் உண்டு:- முல்லை நிலக் காதல் காட்சி.
04. ஜாதி வேற்றுமையில் குடும்பம் காக்கும் ஒற்றுமை:- மருதம் நிலக்காட்சி.
05. வாளை மீனுக்கும் விலாங்கு மீனுக்கும் கல்யாணம்:- நெய்தல் நிலக் காட்சி.
06. வேட்டுவர் பாணர்க்கு விருந்தோம்பல்:- பாலை நிலக் காட்சி.
07. சண்டைக் கலைஞர்கள்: பண்டைக் கால தமிழர்களின் வீரத்தை எடுத்துரைக்கும் சண்டைக் காட்சி.
08. புறநானூற்றுத்தாய்:- போர்க்களத்தில் வீழ்ந்து கிடக்கும் மகனின் நெஞ்சில் அம்பு பாய்ந்திருப்பதை கண்டு ஆனந்தக் கண்ணீர் விடும் தாய்.
09. மறக்குடியே தமிழ்க்குடி:-"கல்தோன்றி மண்தோன்றாக் காலத்தே வாளோடு முன்தோன்றிய மூத்தகுடி தமிழ்க்குடி" என்ற புறப்பொருள் வெண்பா காட்சி.
10. தமிழகக் கலை வளர்ச்சி:- தமிழக கட்டட, சிற்பக்கலைகளை பறைசாற்றும் காட்சி.
11. புதியதோர் உலகம் செய்வோம்:- நவீன விஞ்ஞான வளர்ச்சியை காட்டும் தமிழ் அறிவியல் காட்சி.
12. கோப்பெருஞ்சோழன், பிசிராந்தையார்:- இவர்களின் நட்பை விளக்கும் காட்சி.
13. மனுநீதி சோழன்:- கன்று குட்டிக்காக நீதி கேட்கும் பசு, கன்றின் உயிருக்கு ஈடாக தன் மகனை தேர் சக்கரத்துக்கு பலியிட்ட மனுநீதி சோழனின் நீதி தவறாத காட்சி.
14. மயிலுக்கு போர்வை வழங்கி பேகன்:- குளிரில் நடுங்கும் மயிலுக்கு பட்டு அங்கவஸ்திரம் கொடுத்த மன்னன் பேகனின் வள்ளல் காட்சி.
15. கவரி வீசிய காவலன்:- புலவர் மோசிகீரணாருக்கு மன்னன் கவரி வீசும் வரலாற்றுக் காட்சி.
16. முல்லைக்கு தேர் கொடுத்த வள்ளல் பாரி:- முல்லைக்கொடிக்கு படர தேர் கொடுத்த வள்ளல் பாரியின் கொடை சிறப்பை விளக்கும் காட்சி.
17. அவ்வைக்கு நெல்லிக்கனி கொடுத்த அதியமான்:- நீண்ட ஆயுள் தரும் கருநெல்லிக்கனியை, அவ்வைக்கு கொடுத்து தமிழ் வளர்ச்சிக்கு தன் பங்களிப்பை செய்த அதியமானின் அற்புதக் காட்சி.
18. பொற்கை பாண்டியன்:- தவறுதலாக, பெண்ணின் மானத்துக்கு களங்கம் ஏற்படுத்தியதற்காக, தன் கையையே வெட்டி தண்டனை கொடுத்த பாண்டிய மன்னனின் காட்சி.
19. மிருகங்கள் நடை:- குதிரை, சிங்கம், புலி, யானை, சிறுத்தை சிற்பங்கள் அடங்கிய காட்சி.
20. சிலம்பு வஞ்சினமாலை:- தனக்கு இழைக்கப்பட்ட அநீதிக்கு மதுரையை எரித்த கண்ணகியின் ஆவேசக்காட்சி.
21. உணவளித்தலின் உயர்வு:- அட்சயப் பாத்திரம் மூலம், பசியென்று வந்தோருக்கெல்லாம், மணிமேகலை உணவளித்தக் காட்சி.
22. போர்க்கோலத்தில் வேலுநாச்சியார்:- வெள்ளையரை எதிர்த்து, வீரமங்கை வேலுநாச்சியார், வாளேந்தி போருக்கு செல்லும் காட்சி.
23. போரில் பெண்களின் பங்களிப்பு:- போரில் காயம்பட்ட வீரர்களுக்கு பெண்கள் பணிவிடை செய்யும் காட்சி.
24. மரம் உடன்பிறந்தவளாகிறது:- மரத்துக்கும் உயிர் உள்ளதை விளக்கும் பசுமை நிறந்த இலக்கிய காட்சி.
25. ஜாதி, மத பேதமற்ற காதல் காட்சி:- காதலுக்கு ஜாதி, மத பேதமில்லை என்பதை விளக்கும் காட்சி.
26. சுழன்றும் ஏர்ப்பின்னது உலகம்:- உலகம் உழவனின் விவசாயத்தை சார்ந்தே உள்ளது என்பதை உணர்த்தும் காட்சி.
27. திருக்குற்றாலக் குறவஞ்சி:- குற்றால மலையின் பெருமை, சிறப்புகளை விளக்கும் காட்சி.
28. ஜாதி, மத வேறுபாடற்ற தமிழ் மன்னனின் புரட்சி:- இந்திய சுதந்திரத்துக்காக போராடிய மன்னர்களின் சிற்பங்கள்.
29. கூத்தர், பாணர், சான்றோருடன் இருக்கும் மன்னன்:- தமிழ் மன்னர்களின் ஆட்சியில் கூத்தர்கள், பாணர்கள் மற்றும் சான்றோர்களின் பங்களிப்பை விளக்கும் காட்சி.
30. பிறப்பொக்கும் எல்லா உயிர்க்கும்:- சிற்பத் தொழிலாளி தன்னைத்தானே செதுக்கிக்கொள்ளும் காட்சி.
31. வண்ணங்கள் வேறுபட்டாலும், மானுடர் ஒன்றுதான்:- நிறத்தால் வேறுபட்டாலும், மனிதர்கள் வேறுபடுவதில்லை என்பதை விளக்கும் காட்சி.
32. கிராமிய நடனம்:- இந்த ஊர்தியில் நாட்டுப்புற கலைஞர்கள் ஆட்டம் பாட்டத்துடன் வலம் வருகின்றனர்.
33. கிராமிய மனம்:- காவல் தெய்வம் அய்யனார் சிலையுடன் குடிசையும், உழவனும் உள்ள கிராமியக்காட்சி.
34. சங்கே முழங்கு:- தமிழ் பெருமையை பறைசாற்றும் காட்சி அமைப்புகள்.
35. நடனக் கலைஞர்கள்:- இதில், சினிமா நடனக்கலைஞர்கள் நடனமாடி வருகின்றனர்.
36. காக்கை குருவி எங்கள் ஜாதி:- மகாகவி பாரதியை காக்கை, குருவிகள் சுற்றி நிற்கும் காட்சி.
37. பகிர்ந்து உண்:- பகிர்ந்து உண்டு வாழும் தத்துவம் அடங்கிய காட்சி.
38. காலத்தை வென்று நிற்கும் வரலாற்று சின்னம்:- இதில், தஞ்சை பெரியகோவிலும், திருவள்ளுவர் கோட்ட தேர்வடிவமும் பிரம்மாண்டமாக அமைக்கப்பட்டுள்ளது.
40. ஊர்வலத்தில் இறுதியாக வந்த இரு ஊர்திகளில் இருந்து செலுத்தப்பட்ட லேசர் ஒளிக்கற்றைகள் வானத்தில் அழகிய காட்சிகளை வடிவமைத்தபடி வந்தன.
படங்கள் : மஹி மஹேந்திரன் (கோவை )
கருத்துகள்
பதிந்தமைக்கு மிக்க நன்றி
பதிந்தமைக்கு மிக்க நன்றி வினோத்...
"தீதும் நன்றும் பிறர் தர வாரா.."
என்றென்றும் அன்புடன்,
- ராகவன்..
