ஒருவன் அழியவும் ஒருவன் திருந்தவும் அவனுக்கு அகந்தை வினையூக்கியாக வந்து சேரும்

நம் இதிகாசங்களிலும் செவிவழிக்கதைகளிலும் அழியப்போகும் ஒருவனை பார்த்தால் அவன் அந்நேரம் அகந்தையிலும் ஆசையிலும் மயங்கியவனாக காணப்படுவான். திருந்திய ஒருவனை பார்த்தாலும் அவன் அகந்தையிலும் ஆசையிலும் மயக்கமுற்றிருந்தது தெரியும்.

ஒருவன் அழியப்போகிறான் என்பதற்கு அடையாளம் அவனின் அளவு கடந்த அகந்தையும் ஆசையும் ஆகும். ஒருவன் அடிபட்டு திருந்தப்போகிறான் என்பதற்கும் இவையே அடையாளம்.

அகந்தையும் ஆசையும் அதிகமானால் அவன் செய்யும் தவறுகள் அவனுக்கு வாழ்க்கை பாடத்தை கற்றுக்கொடுக்கும். அப்போதும் கற்க இயலாமல் அகந்தையின் மயக்க நிலையில் இருப்போர் முற்றிலுமாக அழிக்கப்படுவர்.

சத்திய ஜீவன் ஒருவனை எப்போதும் நல்வழிப்படுத்தும் காரியங்களையே செய்யும். சுய அறிவால் திருந்தாதவன் அடிபட்டு திருந்த அவனுக்கு அகந்தையை வினையூக்கியாக கொடுக்கும்.